Femmena
Mentre scennevo purtanno ‘e sporte
nun tenevo cchiù voglia ‘e faticà,
‘nguosto ‘a nu muro m’aggio fermata
e m’aggio assettata pe me ripusà:
che jurnata bella e che sole
che voglia ca tengo ‘e sta’
vascia a’ marina pe’ chelli signuri
c’ ’a niente penzano e nun tennono ‘a fà
e quanno aroppa tuornano ‘a casa
nun sta nisciuno ca vvò sapé
si è pronto ‘o piatto, stirati ‘e ppanni,
pulizzata ‘a casa e fatto ‘o ccafè.
Quanta penzieri e quanti ccose
ca tutti ‘e juorni stanno ‘a fa’
pe na femmena ca nun tiene niente,
sultanto ‘e mmane pe faticà:
casa, cucina, famiglia e lavoro
e quanno hai firnito è firnita ‘a jurnata
e ssì troppo stanca pe guardà
tutte ‘e signuri ca se divertono
e nun sanno niente da’ gente ‘e ccà,
‘e chesta terra senza crianza,
che ‘o mare ‘a luntano t’o fa’ guardà,
andò tutte ‘e juorne, saglienne e scennenne,
pe sporte ‘ncapa amma cercà ‘e campà.
torna a Vanna Rubino
1 commento su Femmena
da Vanna
La mia composizione riguarda il mio paese materno, in particolare è dedicata a quelle donne di Maiori che fino a qualche anno fa ancora si vedevano passare in paese, con in testa una grossa “sporta”, cesta usata per trasportare i limoni. Io, bambina, affaccendata nei preparativi per raggiungere la spiaggia, le osservavo incuriosita e stupita, come si guardano le majorettes durante la festa del santo patrono, chiedendomi da quale epoca lontana, da quale tempo dimenticato fossero venute quelle donne così abbigliate, come avevo visto solo nei film o in qualche vecchia foto. Ogni giorno esse portavano in paese i frutti raccolti nei limoneti, di cui il paese e l’intera costiera abbondano e, curve sotto il peso delle sporte, leste e tese a profittare il più possibile della bella stagione per portare a casa qualche soldo, trascorrevano così la loro estate e godevano così di quel mare, riposante e dilettevole solamente per i turisti